Goierri

Goierri kontraste handiko eskualdea da. Lurraldea osatzen duten hogeitik gora udalerrien artean (Altzaga, Arama, Ataun, Beasain, Ezkio-Itsaso, Gabiria, Gaintza, Idiazabal, Itsasondo, Lazkao, Legazpi, Mutiloa, Olaberria, Ordizia, Ormaiztegi, Segura, Urretxu, Zaldibia, Zegama, Zerain eta Zumarraga), biztanle askoko hiriak eta landa-inguruneko herri txikiak aurki daitezke.
Alabaina, guztiek dute mendiz inguratutako paisaia izugarria, eta mendion artean mehartuta igarotzen da Oria ibaiaren ibilgua. Ibaibidean, trenbidearen ibilbidearekin batera sarritan, siderurgiako, papergintzako eta ehungintzako fabrikak, meatzeak eta langile-auzoak zeharkatzen dituen heinean, barnealdeko lurralde hauen nortasuna nabarmentzen du.