Bilbao Handia

Eskualde hau Ibaizabal-Nerbioi itsasadarraren inguruan bilduta dago, eta 26 udalerrik osatzen dute: Abanto Zierbena, Alonsotegi, Arrigorriaga, Barakaldo, Basauri, Berango, Bilbao, Derio, Erandio, Etxebarri, Galdakao, Getxo, Larrabetzu, Leioa, Lezama, Loiu, Muskiz, Ortuella, Portugalete, Santurtzi, Sestao, Sondika, Trapagaran, Zamudio, Zaratamo eta Zierbena. Hemen, meatzaritza, siderometalurgia, herri-lanak, etxebizitza eta ontzigintza Industria Iraultzak ekarri zuenaren adierazgarri interesgarria dira. Garabi, zubi, labe garai, nabe, nasa eta tximinia handiak teilakatzen dira askotariko lurralde honetan, gure industria-ondarearen garrantziaren lekuko ukaezin modura.