Tradizio herrikoia

Teilak eta adreiluak ekoiztera dedikatutako instalazio hau Barrenaldea auzoan jarri zen abian 1850az geroztik, eta lanean aritu zen 1930eko hamarkadara arte.

Monumentu 2010az geroztik, teilagintza tradizionalaren jardueraren kalitatearen lekukotasuna da; horren aztarna material oso gutxi geratzen dira gaur egun.

Bi isuriko estalkiarekin, aldameneko gehigarrian teilaginen logela aterpetuko zuen beharbada. Lau angeluko areto bat erabiltzen zen teilak lantzeko eta lehortzeko. Handik, puntu-erdiko arku baten bidez, laberako sarbidea dago; labea da egituraren benetako bihotza.

Arabiar erakoa da labe hau, kono-enbor formakoa, eta mendi-hegalean induskatuta dago. Labe bikoitza da, bata bestearen gainean ezarritako bi ganbera dauzkana: behekoa, su-egurra eta errekuntzako materialak sartzeko, eta goikoa teilak eta adreiluak egosteko. Bi ganberak zoru gainean jasotako plataforma baten bidez banantzen ziren, halako moldez non erregaia isolatuta geratzen zen behealdean, baina zulo batzuekin beroa goiko ganberara iragaten uzteko.