Euskadiko Industria Ondarea

Kantauri Arabarra

Araba ipar-mendebaldeko eskualdea da Arabako Kantaurialdea, eta udalerri hauek hartzen ditu: Aiara, Amurrio, Okondo, Laudio eta Artziniega. Aiaraldea ere esaten zaio inguru honi, eta industria garatzeko gunea izan da, batez ere Bilbon eta inguruetan sortutako enpresentzat; izan ere, haran hau toki paregabea izan da enpresa horien hedapenerako, trenbidez oso ondo komunikatuta dagoelako.

Nerbioi ibaiak gurutzatzen du haranaren hondoa, eta Bilbo-Tutera trenbide historikoa ere bertatik igarotzen da.

Kontraste handiekiko ingurua da, geografia malkartsua eta lantegitzarrak baititu; ondare industrial aberatsa ere badu, hasi landa-inguruetako teileria xumeekin eta siderometalurgiara arte. Hala, euskal garapen industrialaren lekuko pribilegiatu bihurtu da harana.

Ferrocarril Bilbao-Tudela

Haranaren ardatza: Nerbioi ibaia

Bizkaia eta Burgos arteko mugan du sorburua, Nerbioiren iturburua izenez ezaguna den inguruan. 75,6 kilometroko ibilbidea egiten du, harik eta Ibaizabalekin elkartu, eta, apur bat aurrerago, industria jarduera handiko Bilboko itsasadarra osatzen duten arte.

Biztanle eta industria ugariko eremua da, eta garrantzi handiko udalerriak zeharkatzen ditu, besteak beste, Amurrio, Laudio, Ugao-Miraballes eta Arrigorriaga. Halaber, ibaiadar handiak ditu, esate baterako, Galindo eta Cadagua.

Río Nervión