Zornotza-Bermeo trena

Trenari lotutako multzo interesgarria osatzen du, eta multzo horretatik Gernikako geltokia monumentu izendatua dago.

Itsasorako ikusmira duen trena

Zornotza eta Bermeo herriak lotzen dituen tren hau Eusko Jaurlaritzaren Eusko Trenbideak-Ferrocarriles Vascos S.A.-ren sarearen barruan dago gaur egun.

Tren honi, hain erabilia gune honetan, «Gernikatxu» izenez deitu zioten herritarrek.

34,99 kilometroko luzerarekin, trenbidea hiru zatiren arteko batuketarekin osatu zen: Zornotza-Gernika (14,51 km), 1888an inauguratua; Gernika-Sukarrieta (9,48 km), 1893an inauguratua; eta Sukarrietatik Bermeora artekoa (11 km), langile behartuek eraikia (gerra zibileko preso errepublikanoek eta gaizkile arruntek), 1955eko abuztuaren 16an hasia ibiltzen.