Euskadiko Industria Ondarea

Zumaia

Daukan geologia aberatsak ez dio Zumaiari, Urola eta Narrondo ibaien artean kokatua, flysch-aren horma bertikala soilik eman; haren zoruen aberastasunak zementuaren industria elikatu zuen hainbat hamarkadatan. Eta ez dira ahaztu behar ontziolak eta kontserba-fabrikak, altzari-fabrikak eta makina-erreminta, eta motorrak eta transmisioak fabrikatzera dedikatutako tailerrak ere.

Herriak ZIIZ (Zumaiako Industria-Ondarearen Informazio Zentroa) dauka, industriaren historiaren eta hark herriaren ekonomia-, gizarte- eta kultura-garapenean izan duen garrantziaren ezagutza sustatzeko informazio espazio bat, horretarako herriaren iragan industrialaren alderdi memoristikoak lantzen dituena.