Traslaviña – Castro Urdiales trenbidea

EBurdinaren bidaia

Trenbide hau bi helburu argirekin sortu zen: lehena, burdin mea garraiatzea Castro, Somorrostro eta Galdamesen arroan; bigarrena, bidaiariak garraiatzea Castro Urdialestik Bilbora, linea hau Santander-Bilbo trenbidearen adar bat izan baitzen.
Obrak 1895 eta 1898 bitartean egin ziren, 22 kilometroko ibilbidearekin, zailtasun orografiko handiko leku batean: 16 zubibide eta 13 tunel egin behar izan ziren. Adar bat izan zuen El Castaño auzotik (Sopuerta) San Pedroraino (Galdames).
Castro Urdialesko geltokia 1898 eta 1902 bitartean eraiki zuen Eladio Laredok, Daniel Zuloaga zeramikariaren lankidetzarekin, baina 1974an eraitsi zuten. Traslaviñako geltokia erabiltzen jarraitzen da gaur egun Bilbo-Santander trenbide-sistemaren parte gisa.

Linea 1966an itxi zen eta 1990eko hamarkadara arte ez zen berriro abian jarri bizikleta-bide moduan.