Espazioa irabaztea malkarrean
Espazioaren bilaketa etengabekoa izan da Eibarko industriaren kasuan. Udalerriaren orografiak, mendi-hegal malkartsuko haran estu batean kokatuta baitago, hazkundea zaildu du beti. 1950eko hamarkadan, hartuta zeuden ibaiari ostutako lur guztiak ere, eta enpresa askok udalerria utzi zuten, zoru zabal eta merkeagoen bila.
Herrian geratzea erabaki zutenek espazio berriak konkistatu behar izan zituzten, oraingoan herrigunetik urrundutako malkarrei kenduta.
Hala altxatu zen eraikin hau 1957an, Ojanguren y Marcaide (OJMAR) enpresak Ramón de Martiarena arkitektoari enkargatua; urte batzuk geroago, Eibarren oso ohikoa izan den industria-espazioen berrerabilera batean, Pampo industrien enpresak bereganatuko zuen.
Eraikin honetan atentzioa ematen dute bere fatxadak ixten dituzten bi errotondek, mendi-hegalekin artikulatuak ardatz baten forma atipikoa duen tailerra taxutuz. Malkarrera egokitzeko, lau altuera ditu tailerrak fatxada nagusian, baina atzealdean bi baino ez, eta hormigoi armatuan egindako forjaketa sendoak ditu ezaugarri. Mendi-hegalean nabarmentzen den eraikina da, eta mendiari espazioa irabazteko bilatutako irtenbideari esker bereganatzen du monumentaltasuna.
Detalle del acceso a la empresa
Honek sustatutako webgunea:
Webgunearen babeslea:
