Industria-ondarea eta memoria
Eibarren denak ekartzen du gogora herri industrial batean gaudela, zeinean lanak eta trebetasunak eman dioten forma gaur egun ikusten dugunari.
Horren froga argia da haren museoa, Portalea Kultur Etxearen bosgarren solairua hartzen duena, Eibarko kultur etxea.
Eraikin hau, Raimundo Alberdi Abaunz arkitektoak Gerra Zibila amaitzean eraikia, Aguirre y Aranzabal arma-fabrika izan zen, ezaguna bere eskopetengatik eta fusilentzako Mausser motako piezengatik, AYA markarekin komertzializatuak.
Eraiki zen unean, fabrika, Frantzia eta Belgikako arma-fabriketan inspiratua, Gipuzkoako modernoenetakoa izan zen, eta eibartarren zein kanpotarren mirespena jaso zuen bere arkitekturaren indarrarengatik eta bere instalazioen bikaintasunarengatik; horien artean, tiro-galeria propioa ere bazuen, armak probatzeko.
Gaur egun, hemen ez dira jada eskopetak fabrikatzen, baina Portaleak hainbat kultura-zerbitzu aterpetzen ditu: erakusketa gela, hitzaldi aretoa, bileretarako eta tailerretarako aretoak eta, jakina, Museoa, arma bilduma zabal batekin eta Eibarren ekoitzitako askotariko produktu sortarekin.
Hemen tradizio industrial handiko herri baten memoria eta ondarea ezagutzeko aukera dago, haren historian zehar ibilaldia eginez XIV. mendetik gure egunetara arte. Horrez gain, leku ideala da Eibarri egindako bisitaldia hasteko.
Imagen histórica del edificio de AYA
Vista general
Detalle
Exterior del edificio en la actualidad
Exterior del actual museo de la Industria de Eibar
Interior del Museo
Interior del museo
Empleado torneando cañones
Membrete de la empresa (1951)
Honek sustatutako webgunea:
Webgunearen babeslea:
