Zubiaundia

Urola ibaiaren gaineko burdinazko zubia, herrian Zubiaundia deitutakoa, 1885ean eraiki zuen Auguste Lecocq belgikarrak, José de Echeverría Elguera ingeniariaren diseinuaren arabera, itsasertzeko errepidearen irekierarekin batera..

121 metro luze den egitura interesgarri bat da, soslai ijeztuak dituzten saretazko bi habek osatua. Haren silueta, ohiko X edo San Andresen gurutzeekin, Zumaiaren paisaia urbanoaren ezaugarri da.

XX. mendearen amaieran zubi berria eraiki zen, Zubibarria, ibilgailuak iragateko, eta historikoa oinezkoentzako pasarela moduan erabiltzen da.