Erkidegoaz gaindiko burdinbidea

Alen auzotik (Sopuerta, Bizkaia) Castro Urdiales herrira (Kantabria) zihoan meatze-trenbidea 1892an inauguratu zuten, Traslaviña-Castro baino bost urte lehenago, Luis Ocharan Mazas industrialari bizkaitarrari esker.

Artzentales (Federico) eta Sopuertako (Sorpresa, Amalia Juliana…) meategietako burdin minerala Castro Urdiales portuko San Guillen ontziralekuraino garraiatzeko proiektatu zuten.

18 kilometroko ibilbidea izan zuen Espainako Gerra Zibila arte martxan egon zen línea horrek.
Zeharkatzen zuen lur malkartsuak zirela eta, tunelak ireki behar izan zituzten eta Kantabriako Saltolobo inguruan 800 metroko luzera eta 45º-ko inklinazioa zuen plano inklinatu handi bat eraiki zuten.